Allt að fara norður og niður...

já það er alveg týpískt að eitthvað sem maður er búin að ákveða og hlakka mikið til að það klikki. Just my luck. já það er satt, Hákarlapartýið verður mjög líklega ekki á laugardaginn... En kannski verður bara farið út að borða og fínerý með vinnunni. Það verður nú alveg örugglega gaman líka... En ég er nú samt pínu svekkt...bara pínu.

En þá er bara að leggja á ráðin með annað Hákarlapartý....Á einhver Benz til að skutla mér???

Kæru vinnufélagar!!!!!

Jæja jæja það er öruggara að tjá sig aðeins til að halda friðinn.  

Það er nú samt alveg þess virði að skrá það niður að við mæðgur sofnuðum um kl. 7 í gær. já...sem sagt um kl. 19 í gærkvöldi. Ég að vísu vaknaði og fór á fætur um hálf 12 leitið, vaskaði upp og burstaði tennur en prinsessan rumskaði ekkert fyrr ég vakti hana kl.7.30 í morgun. En miðað við nóttina þar áður var þetta nú alveg nauðsynlegur svefn.

En nú styttist óðum í hákarlapartýið hjá okkur stöllum, , get eiginlega ekki beðið. Það er EINS GOTT að ekkert klikki núna. En jæja ætla ekki að hafa þetta lengra núna. Vonandi er þetta nóg.

Árið 2007

Í ár er komin tími til að líta til himins....

Hér eftir ætla ég að njóta dagsins og þess sem hann hefur uppá að bjóða.

Ég ætla að gefa mér tíma til að liggja í grasinu og horfa á stjörnurnar

Ég ætla að gefa mér tíma til að liggja í baði þegar þannig liggur á mér

Ég ætla að gefa mér tíma til að blása á mér hárið þegar ég þarf þess...

Ég ætla að segja fólkinu mínu að ég elski það.

Ég ætla þakka vinum mínum fyrir að vera til.

Ég ætla að vera dugleg

Ég ætla að vera skynsöm

Ég ætla að vera ég sjálf.... hvort sem ykkur líkar betur eða verr

Mergurinn málsins...

Ég hef... (það sem krossað er við)
(X) Reykt sígarettu.
( ) Stolið bíl.
(X) Verið ástfanginn.
(X) Verið sagt upp af kærasta.
(  ) Verið rekinn.
(X) Lent í slagsmálum.
(X) Kysst ókunnugan. (Löng saga)
(X) Læðst út meðan þú bjóst ennþá heima hjá foreldrunum.
(X) Haft tilfinningar til einhvers sem endurgalt þær ekki.
(  ) Verið handtekinn.
(X) Verið yfirheyrð af lögreglu. (Löng saga)
(X) Farið á blint stefnumót.
(X) Logið að vini/vinkonu.
(X) Sært einhvern mikið.
(X) Skrópað í skólanum.
(X) Horft á einhvern deyja/dáin(n).
(X) Ferðast í flugvél.
(  ) Kveikt í þér viljandi.
(  ) Borðað sushi.
(  ) Farið á sjóskíði
(X) Farið á skíði. (sem sagt í snjó)
(  ) Hitt einhvern sem þú kynntist á Internetinu.
(X) Farið á tónleika.
(X) Tekið verkjalyf.
(X) Elskar einhvern eða saknar einhvers akkurat núna.
(X) Legið á bakinu úti og horft á skýin.
(X) Búið til snjóengil.
(X) Haldið kaffiboð.
(X) Flogið flugdreka.
(X) Byggt sandkastala.
(X) Hoppað í pollum.
(X) Farið í "tískuleik" (dress up)
(X) Hoppað í laufblaðahrúgu.
(X) Rennt þér á sleða.
(X) Svindlað í leik.
(X) Verið einmana.
(X) Sofnað í vinnunni/skólanum.
(X) Svindlað í prófi.
(  ) Notað falsað skilríki.
(X) Horft á sólarlagið.
(X) Fundið jarðskjálfta.
(X) Sofið undir berum himni.
(X) Verið kitlaður.
(X) Verið rændur.
(X) Verið misskilinn
(  ) Klappað hreindýri/geit/kengúru
(X) Farið yfir á rauðu ljósi/virt stöðvunarskyldu að vettugi
(  ) Verið rekinn eða vísað úr skóla
(  ) Lent í bílslysi
( ) Kysst spegil.
(X) Verið með spangir/góm
(X) Liðið eins og þú passaðir ekki inn.
(X) Borðað líter af ís á einu kvöldi
(  ) Dansað í tunglskininu.
(X) Fundist þú líta vel út.
(X) Verið vitni að glæp.
(X) Efast um að hjartað segði þér rétt til.
(X) Leikið þér berfættur í drullunni.
(X) Verið týndur.
(X) Synt í sjónum.
(X) Fundist þú vera að deyja.
(X) Grátið þig í svefn.
(  ) Reynd að fremja sjálfsmorð.
(X) Farið í löggu og bófa leik.
(X) Litað nýlega með vaxlitum.
(X) Sungið í karaoki
(X) Gert eitthvað sem þú lofaðir sjálfum þér að gera ekki.
(X) Hringt símahrekk.
(X) Hlegið þannig að gosið frussaðist út um nefið á þér.
(X) Stungið út tungunni til að ná snjókorni.
(X) Dansað í rigningunni.
(  ) Skrifað bréf til jólasveinsins.
(  ) Verið kysstur undir mistilteini.
(  ) Horft á sólarupprásina með einhverjum sem þér þykir vænt um .
(X) Blásið sápukúlur.
(  ) Kveikt bál á ströndinni.
(X) Komið óboðinn í partý.
(  ) Verið beðinn um að yfirgefa partýið sem þú komst óboðinn í.
(X) Farið á rúlluskauta/línuskauta.
(X) Hefur einhver óska þinna ræst.
( ) Farið í fallhlífastökk.
( ) Hefur einhver haldið óvænt boð fyrir þig.

Bráðum koma blessuð jól....

Jæja þá var jólakaffið í gær. Didda og Hanna komu í kaffi og spjall og sátum við fram á nótt í rólegheitum yfir góðum kaffi og skemmtilegum sögum. Annars er allt að komast á fullt svona rétt fyrir jólin. Vinnan alveg í botni  og öllum vantar eitthvað...... get ekki meira í bili.

Ble Ble

Jólin koma

vááá...tíminn líður og tíminn flýgur. 17 dagar til jóla og allt komið á fullt.

Ég var loksins að fá fartölvuna mína úr viðgerð sl. föstudag, búin að vera í viðgerð í 7 VIKUR. Mín var orðin pínu óþolinmóð að bíða svona en varð svo mjög glöð þegar ég loksins fékk hana í hendurnar. Sú gleði stóð nú ekki lengi yfir því nánast um leið og ég kveikti á henni þá kom í ljós að hljóðið í henni er bilað...... just my luck... Þá hefur sem sagt allt bilað í tölvunni sem getur bilað. Harði diskurinn eyðilagðist þegar hún var sjö mánaða, núna var verið að skipta um móðurborð og þá er nú bara meginpartur tölvu upptalinn. En auðvitað þurfti eitthvað annað að bila. Greinilega hef ég keypt eitthvað rusl á sínum tíma. En ég hringdi bara í bossinn í Office 1 í stórborginni og sagði alla sorgarsöguna. Hann sem betur fer skildi hvað ég var að fara og sagðist gera allt sem hann gæti til að koma til móts við mig. Sem sagt, ég fæ nýja tölvu (ekki sömu gerð...hjúkk) og er alveg hæstánægð með það. 

En þá eru það jólagjafir. Það er komið pínu stress í mig útaf jólagjöfum. Veit alveg að maður á ekki að huxa þannig en samt... Ég er ekki byrjuð að versla en ég veit alveg að um leið og maður dettur í gírinn þá klárað maður allt á no time. Það er bara spurning hvenær maður dettur í þennan gír. Ég er nebblega aðallega búin að vera í frígír núna undanfarið og detta jafnvel í bakkgír. Mál til komið að breyta því. Akkuru eru ekki til neinar jólatöflur. Litlar rauðar og grænar töflur með myndum af jólasveinum og snjókörlum. Skellir einni í sig með jólaölinu og dettur í jólagírinn. Ég væri alveg til í það. hó hó hó

Hó Hó Hó

Jæja...þá eru 40 dagar til jóla. Ó mæ god hvað tíminn er fljótur að líða. Ég verð fertug áður en ég veit af og fer svo á elliheimili viku seinna.....

En hvað með það. Það er að kyngja niður snjó hér í höfuðstöðvum Norðurlands. Færð á vegum er ömurleg og eingöngu aðalgötur mokaðar. Alveg ótrúlegt... En maður verður bara að sætta sig við vetur konung þar sem við erum á norðurhveli jarðar og þetta fylgir víst staðsetningunni.

Börnin hafa samt ekki neitt á móti smá sköflum, því hærri því betri. Helst er að finna stóran ruðning eftir snjómokstur og búa til völundarhús þar. Man alveg eftir því þegar ég var krakki. Við fórum út í nánast hvaða veðri sem var og fórum ekki inn fyrr en maður var kalin á tám og rasskinnum. Þá lagðist maður bara fyrir framan hitablásarann eða með fæturna á ofni og reyndi að fá smá hlýju í kroppinn.  Svo fékk maður oft kakó og kringlur hjá mömmu...oohhh...the good old days...

AFTUR TIL FORTÍÐAR.....

Gramsi grams....

WELL WELL WELL

Það er alltaf best að læra með því að reyna sjálfur. Þannig er það búið að vera með þessa blessuðu síðu mína. Þetta er samt allt að smella saman og er að hrúga inn myndum og skemmtilegum fróðleik. Sirrý mín er búin að skoða þetta allt mjög gaumgæfilega og commintera á það sem henni fyndist mega fara betur. Svo er bara að grufla upp góða pennann og byrja að skrifa einhverja gullmola. Hver veit...

Fyrsta bloggfærsla

Jæja þá er komið að því að byrja að blogga.

Ég kann nú ekki á þetta ennþá en er alveg á fullu að gramsa í öllu og koma þannig allskonar upplýsingum inn. Bíðið bara spennt eftir einhverjum skemmtilegum fróðleiksmolum.